Զորայր Կարապետյանը իրավաբանական համայնքում առանձնանում է իր բազմակողմանի փորձառությամբ, իրավական խորքային գիտելիքներով և պրոֆեսիոնալ մոտեցմամբ։ Նրա մասնագիտական գործունեության հիմնական ուղղությունը քրեական գործերով իրավական պաշտպանությունն է, միաժամանակ նա զգալի փորձ ունի նաև տնտեսական գործունեության հետ կապված իրավահարաբերությունների կարգավորման ոլորտում։

Իրավաբանական գործունեության շուրջ տասը տարիների ընթացքում Զորայր Կարապետյանը համագործակցել է փաստաբան Երեմ Սարգսյանի հետ՝ սկզբում որպես օգնական, իսկ հետագայում՝ որպես խորհրդական։ Այդ ժամանակահատվածում նա անմիջական մասնակցություն է ունեցել բարդ և հասարակական մեծ հետաքրքրություն առաջացրած քրեական գործերի պաշտպանության գործընթացներին՝ ներգրավված լինելով դրանց իրավական ռազմավարության մշակման և գործերի վարման տարբեր փուլերում։

Այս փորձառությունը նրան հնարավորություն է տվել ձեռք բերել արժեքավոր մասնագիտական փորձ, խորությամբ ընկալել քրեական արդարադատության համակարգի գործառույթներն ու կառուցվածքային առանձնահատկությունները և ձևավորել գործնական իրավական մտածողություն։

Իրավաբանական գործունեությանը զուգահեռ նա հինգ տարի որպես հիմնադիր-տնօրեն ղեկավարել է անշարժ գույքի գործակալություն՝ այդ ընթացքում խորացնելով իր մասնագիտական գիտելիքները հողային և սեփականության իրավունքի հետ կապված իրավահարաբերությունների կարգավորման ոլորտում։

Բացի այդ, Զորայր Կարապետյանը ներգրավված է եղել ձեռնարկատիրական գործունեություն իրականացնող մի շարք կազմակերպությունների հիմնադրման և կառավարման գործընթացներում։ Այս փորձառությունը նրան հնարավորություն է տվել խորությամբ հասկանալ տնտեսական գործունեության իրավական կարգավորման առանձնահատկությունները, ինչպես նաև տնտեսվարող սուբյեկտների առջև առաջացող իրավական ռիսկերն ու խնդիրները։

Ներկայումս, որպես «Virtus Law Group» իրավաբանական ընկերության փաստաբան-գործընկեր, Զորայր Կարապետյանը իր փորձն ու գործնական մտածողությունը կիրառելով՝ մասնակցում է ընկերության կողմից իրականացվող իրավական գործընթացներին՝ նպաստելով վստահորդների իրավունքների և շահերի արդյունավետ պաշտպանությանը։